Студентите на Високата школа за новинарство и за односи со јавноста и радиото Клуб ФМ го реализираат проектот Читај секаде, што треба да го поттикне читањето книги на различни места во градот.

Целта за иницирање на кампањата е на граѓаните на Скопје да им се покажат вистинските вредности на животот и да сфатат дека книгата треба да им биде ѕвездата водилка и непресушен извор на давање знаење.

Тренд во сите метрополи е луѓето да читаат во кафуле, на клупа, во парк, во автобус...Ќе биде убаво да се види како луѓето читаат секаде и во нашиот град.

Младите повторно активни во ИНТЕРКУЛТУРА. Како дел од проектот „Биди активен, вложи во иднината“, ИНТЕРКУЛТУРА во соработка со Кафе Ли и нашите волонтери, организираше самостојна изложба на добитникот на прво место  од наградната игра која беше организирана во склоп на овој проект- Избор на најдобра фотографија на тема истоимена со проектот.

„Културна толеранција“
Волонтерите на ИНТЕРКУЛТУРА во соработка со нашите вработени, повторно со успешно реализирана приказна. Беше организиран и реализиран камп за „Културна толеранција“. Во текот на кампот беа организирани работилници на кои се обработуваа теми како: културна толеранција, интеркултурен дијалог, култура, традиција, етнички групи во нашето општество, сличности и разлики помеѓу етничките групи, мултикултурно општество, стереотипи, предрасуди, дискриминација и слично. 

Разбери се себе си, разбирајќи ги другите

ИНТЕРКУЛТУРА - Организација за културна соработка со поддршка на Европската младинска фондација, локалната самоуправа и приватни компании, повторно во акција од младите за младите. Реализираше семинар за подобрување на меѓуетничките, начелно меѓучовечките односи помеѓу младите. Запознавајќи ги различните култури, обичаии и етнички групи, младите имаа можност да го подобрат размислувањето за себе си, за нивната околина и истовремено да работат на намалување на сопствените стереотипи и предрасуди. На семинарот учествуваа 29 учесници од 12 различни земји.